ჩვენ შესახებ
რეგიონალური მებაღეობის სასწავლო და სადემონსტრაციო ცენტრი, შპს "იმერეთის აგრო ზონამ" 2022 წლის მარტში, ოფიციალურად დააფუძნა. ცენტრი წარმოადგენს აგრო-ტექნოლოგიების, აღჭურვილობისა და კულტივაციის შესახებ ცოდნის ტრანსფერის პლატფორმას.
საქართველოს განათლებისა და მეცნიერების სამინისტროს მხარდაჭერით, იმერეთის აგრო ზონამ მოიპოვა 4.2 ჰა არასასოფლო-სამეურნეო დანიშნულების მიწის ნაკვეთი იმერეთის რეგიონში, ქალაქ ბაღდათში. 1.4 ჰა მიწის ნაკვეთზე HTDC მოაწყობს რეკრეაციულ ზონას. ცენტრი მოემსახურება იმერეთის აგრო ზონის სასათბურე მეურნეობების კლასტერის წევრებს, ფერმერებს მთელი საქართველოდან და მეზობელი ქვეყნებიდანაც. გარდა სასწავლო პროგრამებისა, მებაღეობის სასწავლო და სადემონსტრაციო ცენტრი, ადგილობრივ და საერთაშორისო სასწავლო დაწესებულებებთან ერთად შეიმუშავებს სპეციალურ საგანმანათლებლო პროგრამას, რომელიც მიმართული იქნება დაბალტექნოლოგიური სასათბურე მეურნეობებისთვის, რათა განხორციელდეს მათი დაბალი/საშუალო და საშუალო ტექნოლოგიების სასათბურე მეურნეობებად ჩამოყალიბებისთვის.
ჩვენი მიზნები
ფერმერთა ცოდნის და უნარების გაუმჯობესება
წარმოებული პროდუქციის ხარისხის გაუმჯობესება და საწარმოო საშუალებების ეფექტურობის ზრდა
წვდომის გაზრდა სხვადასხვა აგრომასალების მომწოდებლებზე
წვდომის გაზრდა კერძო ან/და იმერეთის აგრო ზონის ადგილობრივ და საერთაშორისო ტექნოლოგიურ საკონსულტაციო მომსახურებაზე
წვდომის გაზრდა სამართლებრივ და ფინანსურ საკონსულტაციო მომსახურებებზე
სასათბურე ტექნოლოგიებისა და აგრო მასალების მომწოდებელი კომპანიების გაყიდვებისა და სადისტრიბუციო პერსონალის ტრენინგი
ფერმერებისთვის ხელმისაწვდომობის გაზრდა სათბურის ტექნოლოგიების სხვადასხვა მომწოდებლებთან
სასათბურე ტექნოლოგიებისა და აგრო მასალების მომწოდებელი კომპანიების პროდუქციის დემონსტრაციის ხელშეწყობა
HTDC-ის განვითარების გეგმა
შპს „იმერეთის აგრო ზონა“, საქართველოს გარემოს დაცვისა და სოფლის მეურნეობის სამინისტროს ინიციატივით, იმერეთის რეგიონში ახორციელებს სასათბურე მეურნეობების კლასტერის განვითარების პროექტს. შპს „იმერეთის აგრო ზონის“ 100%-იანი წილის მფლობელი და დამფუძნებელია ა(ა)იპ „სოფლის განვითარების სააგენტო.“
პროექტის კონცეფციის თანახმად, არსებულ ნაკვეთებზე, 220 ჰა-ზე იმერეთის აგრო ზონა განავითარებს ყველა საჭირო ინფრასტრუქტურას, რომელიც მნიშვნელოვანია სასათბურე მეურნეობების ოპერირებისთვის. პროექტი მიზნად ისახავს კლასტერის წევრებისთვის „ერთი-ფანჯრის“ პრინციპით სერვისის მიწოდებას. ამ მიზნით შექმნილ სერვის ცენტრში შესაძლებელი იქნება საბაჟოს, საჯარო რეესტრის, სურსათის უვნებლობის სააგენტოს და სხვა სახელმწიფო სერვისების მიღება.
დამატებითი ინფორმაციისთვის ეწვიეთ: www.Iaz.ge
გაიგეთ მეტი ორგანიზაციის წყობის შესახებ